Աշխարհում առաջին նավը, որն աշխատում է էլեկտրաէներգիայով, այս շաբաթ ջուրն են իջեցրել Չինաստանի Հուանչժոու քաղաքում, հայտնում է «Ինտերֆաքսը»՝ վկայակոչելով տեղական լրատվամիջոցներին:
Նավի ջրատարողությունը 2 հազար տոննա է: Մարտկոցը լիցքավորվում է 2 ժամում: Ամբողջական լիցքավորման դեպքում այն կարող է նավարկել 80 կմ:
Նավի ընդհանուր երկարությունը կազմում է 70,5 մետր, լայնությունը՝ 13,9 մետր, թաղվածքը՝ 3,3 մետր: Անձնակազմը 6 մարդուց է կազմված:
Ծրագրվում է տեխնոլոգիան կիրառել նաեւ ուղեւորատար եւ տեխնիկական ջրային փոխադրամիջոցների համար:
