Ինքնասիրահարված մարդկանց սիրելը այնքան էլ հեշտ չէ, սակայն նման մարդկանց հանդեպ սիրո մեջ որոշ ընդհանրություններ կան, որոնց վրա էլ հիմնված են նրանց հետ հարաբերությունները: Գիտնականներն ուսումնասիրել են ինքնասիրահարված մարդկանց հանդեպ սերը եւ ձեւակերպել են առավել «ճիշտ» վարքագիծը նրանց հանդեպ, որի դեպքում եւ հարաբերությունները տեւական կլինեն, փոխանցում է Planet-today-ը:
Հարկավոր է ընդունել նման մարդկանց կողքին գոյատեւելու որոշ պայմանները: Նրանք ծայրահեղ աստիճանի կենտրոնացած են իրենց վրա եւ պարզապես ունակ չեն նորմալ միջանձնային հարաբերություններ պահպանել ընկերների, ընտանիքի կամ զուգընկերոջ հետ, նշում են Նոր Անգլիայի համալսարանի գիտնականները: Նրանք կարող են զվարթ, զարմացնող եւ տպավորիչ լինել: Նրանք գիտեն, թե ինչպես տպավորություն գործել: Լինելով վառ եւ շփվող՝ կարող են իդեալական լինել կարճաժամկետ հարաբերությունների համար, ինչը չի կարելի ասել երկարաժամկետ հարաբերությունների մասին:
Եթե դուք լուրջ հարաբերություններ ունեք ինքնասիրահարված անձնավորության հետ, ընդունեք այն փաստը, որ կարմիր կովը իր կաշին չի փոխում: Հետեւաբար անհրաժեշտ է հաշվի առնել որոշ անհատական եւ վարքային հատկանիշներ եւ հարմարվել դրանց: Ուսումնասիրության համաձայն՝ նարցիսները գերադասում են այնպիսի զուգընկերների, որոնք հիանում են իրենցով, սակայն նաեւ կատարյալ են, քանի որ դա ամրացնում է իրենց ինքնագնահատականը:
Նարցիսների հանդեպ սերը անսահման համբերություն, ըմբռնում, ներողամտություն եւ հիացմունք է պահանջում, ինչպես նաեւ՝ աստղի ստվերում լինելու պատրաստակամություն: Հենց դրա հիման վրա էլ հարաբերությունները կպահպանվեն: Եթե դուք դրան պատրաստ չեք, ապա նարցիսի հետ հարաբերությունները ձեզ համար չեն: