News
Լրահոս
News
Կիրակի
Օգոստոս 19
Տեսնել լրահոսը

Չկիսելով Երեւանի ավագանու «Երկիր Ծիրանի» խմբակցության այսօրվա ակցիայի ձեւը՝ գտնում եմ, որ այն ինչ արեցին Հանրապետական խմբակցության անդմաները կանանց նկատմամբ, բացարձակ անընդունելի է: Այս մասին այսօր՝ փետրվարի 13-ին, NEWS.am-ի հետ զրույցում ասաց ԱԺ «Ծառուկյան» խմբակցության անդամ Նաիրա Զոհրաբյանը՝ անդրադառնալով Երեւանի ավագանու նիստում հանրապետականների եւ «Երկիր ծիրանիի» միջեւ տեղի ունեցած միջադեպին:

«Այն, որ Նուբարաշենում կա լրջագույն խնդիր, փաստ է, անհնար է այդ թաղամասի կողքով անցնելը եւ բնակիչներն իրավունք ունեն այլեւս այդ իրավիճակը չհանդուրժել: Այո, քաղաքապետարանն այս խնդրին պետք է լուծում տար շատ վաղուց, այլ հարց է, թե որքանով է ճիշտ այն ճանապարհը, որն ընտրել են «Երկիր Ծիրանիի» իմ գործընկերները: ՀՀԿ-ական տղամարդկանց կողմից կանանց նկատմամբ կիրառված բռնությունն անընդունելի է, այն տղամարդը, որը  փորձում է  կնոջ վրա ուժ գործադրելով կայանալ՝ ամենաթույլ տղամարդն է: Էն տղամարդը, որը կփորձի իր վերադասին ցույց տալ, որ կարող է պաշտպանել Զարուհի Փոստանջյանից եւ այն մյուս կնոջից, ինձ համար անընդունելի է»,-ասաց նա:

Ավելի վաղ NEWS.am-ը հայտնել էր, որ Երեւանի ավագանու նիստում, այսօր՝ փետրվարի 13-ին, ծեծկռտուք է տեղի ունեցել: Ամեն ինչ սկսվել է նրանից, որ «Երկիր Ծիրանի» խմբակցության անդամները դիմակներ էին հագել եւ փորձում էին իրենց հետ Նուբարաշենից ապակե տարաներով բերված գարշահոոտություն արձակող կոյուղաջուրը մոտեցնել քաղաքապետ Տարոն Մարգարյանին: Ավագանու ՀՀԿ-ական անդամները փորձել են արգելել նրանց, որից հետո քաշքշուկ է սկսվել: ՀՀԿ-ականները հարվածներ են հասցրել «Երկիր Ծիրանիի» անդամ Մարինա Խաչատրյանին:

Հիշեցնենք, որ Նուբարաշենի բնակիչները փետրվարի 12-ին փակել էին «Նուբարաշեն» ՔԿ տանող ճանապարհը. նրանց խոսքով, հարակից տարածում ապրողները տարիներ շարունակ գարշահոտության մեջ են ապրում, շնչում թունավոր օդը:

Տպել
Կարդացեք նաև
Ամբողջը
ՀԱԿ-ը Երեւանի ավագանու ընտրություններին չի մասնակցի. հայտարարություն
Ի աջակցություն ապրիլյան հեղափոխությունը առաջնորդած ուժի որդեգրած քաղաքական գծի...
ՀՀ-ում ժողովրդավարությունը հսկայական քայլերով նահանջ է ապրում. Արփինե Հովհաննիսյանը՝ Փաշինյանի ելույթի մասին
եթե չփոխվեն մոտեցումները նշանակում է` մենք հրաժարվում ենք խոսքի ազատությունից, հետեւաբար նաեւ ժողովրդավարությունից...
Արթուր Գեւորգյանը` Ռոբերտ Քոչարյանի քաղաքականություն վերադարձի մասին
Լրագրողի հակադարձմանը, թե դրանք տարբեր իրավիճակներ էին, պատգամավորը նշեց...
Քոչարյանի՝ քաղաքականություն վերադառնալու որոշումը դրական եմ գնահատում. Վարդան Բոստանջյան
Անկախ այն հանգամանքից, որ 25-ից ավելի տարի է անցել՝ դեռեւս քաղաքական դաշտը չի կարելի համարել ձեւավորված...
Ռոբերտ Քոչարյանը կարող է լավ տեղ զբաղեցնել քաղաքական դաշտում. քաղաքագետ
Քաղաքագետի խոսքով՝ հիմնական ուղերձները, որոնք...
Քոչարյանի դեպքը բացահայտեց ժամանակավոր կառավարության թուլությունը. Անդրիաս Ղուկասյան
Որպես ասվածի ցուցիչ՝ նա մատնանշեց Քոչարյանին կալանքից ազատ արձակած դատավորի վարքագիծը...
Partner news