Հանրահավաքների ընթացքում տուժածներից մեկը անհրաժեշտ բուժօգնություն ստանալուց հետո դուրս է գրվել հիվանդանոցից: Այս մասին տեղեկացնում է ՀՀ առողջապահության նախարարությունը:
Ապրիլի 22-ին ժամը 16։30-ի դրությամբ, ընդհանուր առմամբ, Երեւանի հիվանդանոցներում բուժում է ստանում 9 տուժած, որից 7-ն ընդունվել է այսօր: Մեկն ապրիլի 16-ից բուժումը շարունակում է «Հերացի» թիվ 1 հիվանդանոցային համալիրում՝ նաեւ վնասվածքի հետ չառնչվող հիվանդության պատճառով։ «Սուրբ Գրիգոր Լուսավորիչ» ԲԿ-ում բուժվող 2 տուժածից մեկն առաջիկա ժամերին դուրս կգրվի: «Էրեբունի» բժշկական կենտրոններում այս պահին բժիշկների հսկողության ներքո է 6 տուժած:
Բոլոր տուժածներն անցել են անհրաժեշտ հետազոտություններ եւ ստանում են համապատասխան բուժում։ 6-ի առողջական վիճակը բժիշկները գնահատում են բավարար, 3-ինը՝ միջին ծանրության: