Ոստիկանությունում կոռուպցիան պետք է բացառվի։ Այդ մասին ֆեյսբուքյան իր էջում հայտնել է վարչապետ Նիկոլ Փաշինյանը՝ մեկնաբանելով ոստիկանապետի եւ ԱԱԾ պետի պաշտոններում կատարված նշանակումները։
Հիշեցնենք, որ վարչապետի առաջարկով նախագահ Արմեն Սարգսյանը ոստիկանապետ է նշանակել Երեւանի փոխոստիկանապետ Վալերի Օսիպյանին, իսկ ԱԱԾ պետի պաշտոնում՝ Երեւանի վարչության պետի տեղակալ Արթուր Վանեցյանին։
Ըստ Փաշինյանի, այդ մարդիկ աշխատելու են ուղիղ վարչապետի ենթակայության ներքո։ «Ակնկալում եմ, որ մարդիկ հենց վաղվանից կզգան փոփոխությունները։ Ընդհանրապես ոստիկանական համակարգում կոռուպցիան պետք է բացառվի՝ սկսած պետավտոտեսչությունից։
Առաջիկայում նոր որոշումներ կկայացնենք, որոնք կարծում եմ՝ սպասված են ՀՀ քաղաքացիների համար։ Եւ ԱԱԾ խնդիրը նույնպես կոռուպցիայի դեմ պայքարնէ լինելու՝ այլ խնդիրների շարքում»,- նշել է նա։
