Թբիլիսիում բողոքի ակցիաների պատճառով գնացքները կանգ չեն առնում «Ազատության հրապարակ» եւ «Ռուսթավելի» մետրոյի կայարաններում, հաղորդում է Առաջին ալիքը:
Ինչպես առաջին ալիքին հայտնել են Թբիլիսիի տրանսպորտային ընկերության մամուլի ծառայությունում, որոշումը կայացվել է Ռուսթավելի պողոտայում ընթացող բողոքի ակցիայի պատճառով՝ քաղաքացիներին անվտանգության նկատառումներով: Թբիլիսիի տրանսպորտային ընկերության տվյալներով՝ վաղվանից մետրոն կշարունակի աշխատել իր բնականոն ռեժիմով: