Իսպանական Մալագա նահանգում հատուկ գործողության ընթացքում «օրենքով գողեր» են ձերբակալվել՝ ծնունդով Վրաստանից 40-ամյա Դավիթ Կարդավան եւ «Չիա» («Որդ») մականունով 29-ամյա Լաշա Բարաթելին: Հատուկ գործողության մասին հայտնել է Վրաստանի ՆԳՆ քրեական ոստիկանության բաժնի տնօրեն Վլադիմիր Բորցվաձեն, գրում է Նովոստի Գրուզիան:
Վրացի «օրենքով գողերից» բացի՝ իսպանացի իրավապահները եւս 9 մարդու են ձերբակալել, որոնցից մեկը Հայաստանի քաղաքացի է: Հետաքննության տվյալներով՝ կազմակերպված հանցավոր խմբավորման անդամները ծրագրում էին սպանել մեկ այլ բանդայի անդամների:
Վրաստանի ձերբակալված քաղաքացիներն Իսպանիայում մեղադրվում են փաստաթղթեր կեղծելու, քրեական-հանցավոր խմբավորման անդամակցելու եւ սպանության փորձի նախապատրաստման համար:
