News
Լրահոս
News
Երկուշաբթի
Դեկտեմբեր 10
Տեսնել լրահոսը

Հայաստանը կանգնած է ընդդիմության բացակայության եւ բռնապետության ծնունդի լուրջ սպառնալիքի առջեւ: Սեպտեմբերի 24-ին լրագրողների հետ հանդիպման ժամանակ այսպիսի կարծիք հայտնեց Հայաստանի Դեմոկրատական կուսակցության նախագահ Արամ Գ. Սարգսյանը:

Նրա խոսքով՝ ընտրազանգվածի բացարձակ աջակցությունը հղի է ընդդիմադիր դաշտի ոչնչացմամբ, եւ Հայաստանն արդեն դրան բախվել է 90-ականներին, հիշեցրեց Սարգսյանը:

«Այս հարցում վարչապետը պետք է շրջահայաց լինի եւ հստակ դիրքորոշման հետեւի, որ երկիրը առողջ ընդդիմության կարիք ունի: Հակառակ դեպքում ներկայիս պայմաններում իշխանությունը կարող է բռնապետության վերաճել»,- նշեց նա:

Նա նշեց, որ Երեւանի ավագանու ընտրություններում հաղթանակի համար առաջին հերթին պետք է շնորհավորել Նիկոլ Փաշինյանին, քանի որ այս ընտրություններից էր կախված նրա վարկանիշը:

«Արդարության եւ հավասարության փափագը բերեցին աննախադեպ արդյունքների: Այդուհանդերձ, չի կարելի հնից անվերապահորեն հրաժարվել. մարդիկ իրենց ընտրությունը կատարել են՝ անգամ նախընտրական ծրագրերին չծանոթանալով, չնայած կուսակցություններից ոչ մեկն էլ համալիր ծրագիր չէր ներկայացրել, մինչդեռ Երեւանը, համալիր մարմին լինելով, համալիր որոշումների կարիք ունի»,- նշեց Արամ Գ. Սարգսյանը:

Նրա խոսքով՝ պատճառը, որ ընտրություններին մասնակցել է ընտրողների ընդամենը 43,66 տոկոսը, վկայում է այն մասին, որ շատերը պարզապես չէին ցանկանում քվեարկել «Իմ քայլը» դաշինքի օգտին: Եթե ավելի շատ մարդ մասնակցեր քվեարկությանը, «Իմ քայլը» դաշինքի արդյունքներն ավելի համեստ կլինեին:

«Փաստորեն, մեր կուսակցությունը ավագանու ընտրություններին չմասնակցելու ճիշտ որոշում ընդունեց. դա անօգուտ է զանգվածային էյֆորիայի եւ կանխորոշված արդյունքների դեպքում»,- նշեց Արամ Գ. Սարգսյանը:

Հայաստանի Հանրապետական կուսակցության անդամ Լեռնիկ Ալեքսանյանը համաձայնվեց կարծիքին, որ քաղաքական ուժերի ծրագրերը չեն համապատասխանում մայրաքաղաքի նշված վերափոխումներին:

«Այդուհանդերձ, ընտրություններն ընթացան հանգիստ մթնոլորտում՝ ի տարբերություն նախորդների, եւ ինչն ամենագլխավորն է՝ մասնակցող քաղաքական ուժերը պատրաստ էին միմյանց հետ համագործակցել տարբեր ձեւաչափերով»,- նշեց Լեռնիկ Ալեքսանյանը:

Սակայն, նրա կարծիքով, քաղաքացիների նման ցածր մասդնակցությունը վկայում է այն մասին, որ նրանք վարակված չեն իրենց կամքը եւ ընտրություններում դժգոհությունն արտահայտելու համընդհանուր գաղափարով: Սա բացասական ցուցանիշ է, սակայն արտացոլում է իրական տրամադրությունները:

ԿԸՀ նախնական տվյալներով՝ «Իմ քայլը» դաշինքը սեպտեմբերի 23-ին անցկացված Երեւանի ավագանու ընտրություններում ստացել է ընտրողների 81,5 տոկոսի աջակցությունը: Ընտրություններին ընդհանուր մասնակցել է ընտրողների 43 տոկոսը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանում գործարաններ են ստեղծվում մի քանի հազար աշխատատեղով. Փաշինյանը թվերով խոսեց ներդրումների մասին
Հայկական բրենդով հեռուստացույց եւ կենցաղային տեխնիկա է արտադրվելու...
Լենա նազարյանը պնդում է ՝ խոստումները կատարել են, աշխատավարձերի բարձրացում էլ եղել է
Նման քայլեր կլինեն պետական այլ ծառայողների, ուսուցիչների, իրավապահ մարմիններում աշխատող մարդկանց նկատմամբ...
Իշխանությունը փորձում է մարդկանց մեջ արթնացնել Սերժ Սարգսյանի ուրվականը. Արմեն Աշոտյան
Հարգելի Նիկոլ Փաշինյան, երբ դու դարձել ես վարչապետ, Սերժ Սարգսյանն արդեն հեռացված էր…
Չի բացառվում, որ ԱՄՆ-ն Իրանի հարցով ոճնշում գործադրի Հայաստանի վրա. Ռուբեն Սաֆրաստյան
Ինչ վերաբերում է հայ-թուրքական հարաբերությունների կարգավորմանը, ապա, նրա կարծիքով, Վաշինգթոնը հազիվ թե այդ ուղղությամբ նոր ջանքեր գործադրի...
ԱԺ պատգամավորների 1/3–ը Փաշինյանին առաջադրել է վարչապետի թեկնածու
Այսօր ժամը 18։00–ին լրանում է առաջադրումների ժամկետը...
Բարեփոխումների համար ՀՀ-ին պետք է եկամտաբեր տնտեսություն ու կայուն արտաքին քաղաքականություն. Քննարկում Վաշինգթոնում
Որպեսզի երկիրը կարողանա վճարել Փաշինյանի վարչակազմի հայտարարած արդարադատության ոլորտի բարեփոխումների, հակակոռուպցիոն քաղաքականութան եւ վստահության մեծացման համար...
Partner news