Եվրոպայում ՆԱՏՕ-ի միացյալ ուժերի գլխավոր հրամանատար գեներալ Կյորտիս Սկապարոտին հայտարարել է, որ «ԱՄՆ-ը եւ նրա համախոհները պատրաստ են դիմակայել Ռուսաստանի կողմից աճող սպառնալիքին»՝ տեղեկացնում է Sky News-ը։

Միացյալ Նահանգների պատրաստականությունը ցուցադրելու համար Նորվեգական ծով կմտնի ամերիկյան «Հարի Տրումեն» ավիակիրը։

Սկապարոտիի խոսքերով՝ Ռուսաստանի մոտ ավիակրի մասնակցությամբ զորավարժությունները «հնարավորությունների ցուցադրում են»։

«Ռուսաստանը մեծացրել է իր ներկայությունը տարածաշրջանում։ Նա նաեւ ժամանակակից է դարձնում իր զինված ուժերը, եւ դա ինձ անսպասելի չի թվում, բայց մենք դրան ուշադրություն պետք է դարձնենք»,- հավելել է Սկապարոտին։

Վերջին անգամ Նորվեգական ծով ԱՄՆ ռազմածովային ուժերի ավիակիրը դուրս է եկել 1987 թվականին։

«Հարի Տրումենի» վրա տեղավորվում է 49 ռազմական ինքնաթիռ, նրան ուղեկցում է եւս 9 նավ։ Ավիակրի անձնակազմը կմասնակցի ՆԱՏՕ-ի Trident Juncture-2018 զորավարժություններին՝ ՆԱՏՕ-ի 30 անդամ-երկրներից 50 հազար զինվորականների հետ միասին։