Նոր սողանքներն առաջիկայում կարող են լուրջ վտանգ դառնալ Նեպալի բնակիչների համար։ Այս մասին հայտնել է Չինաստանի կենտրոնական հեռուստատեսությունը՝ հղում կատարելով Չինաստանի ջրային տնտեսության նախարարությանը։

Չինական գերատեսչությունը մեկնաբանել է արբանյակային լուսանկարները, որոնց համաձայն՝ Նեպալում շարունակում է պահպանվել սառցադաշտերի փլուզման վտանգը։ Նախարարության գնահատմամբ՝ այս տարածաշրջանում կան տարբեր չափերի մի քանի սողանքներ, որոնք ջրի հոսքի ազդեցության տակ կարող են իրական վտանգ ներկայացնել մարդկանց համար։

Օգոստոսի 26-ին Նեպալի հյուսիսում տեղի է ունեցել հզոր հեղեղ։ Տարերային աղետի պատճառ է դարձել ձնահյուսը Չինաստանի հետ սահմանին՝ «Ռասուվագադհի» սահմանային անցակետից մոտ 20 կիլոմետր հյուսիս-արևելք։ Լեռնային ապարների հոսքը հսկայական արագությամբ գետի հունով անցել է ավելի քան 70 կիլոմետր՝ ավերելով մոտակա բնակավայրերը և հանգեցնելով մեծ տարածքի ողողմանը։ Վերջին տվյալներով՝ դրա հետևանքով զոհվել է առնվազն 919 մարդ, շուրջ 2 հազարը համարվում է անհետ կորած։