Հայաստանում հնարավոր է սեփական ավտոբուսների արտադրությունը հիմնել: Ապրիլի 12-ին լրագրողների հետ հանդիպմանն այս մասին հայտարարեց Ավտովարորդների պաշտպանության լիգայի նախագահ Տիգրան Հովհաննիսյանը:
Նրա խոսքով՝ տվյալ պահին փորձագետների խումբն աշխատում է բիզնես ծրագրի վերջնական տարբերակի շուրջ:
«15 օրից մենք պատրաստվում ենք դիմել վարչապետ Նիկոլ Փաշինյանին հանդիպում անցկացնելու եւ գործարանի շինարարարության աշխատաքների մեկնարկի հարցը քննարկելու համար: Ներդրումների արդյուքնում, որոնց 80 տոկոսը հայկական կլինի, մոտ 1000 նոր աշխատատեղ կհայտնվի», - նշեց նա:
Փորձագետը նշեց, որ սկզբնական փուլում ավտոբուսները կարտադրվեն ներքին շուկայի համար: Դա մոտ 2 անգամ ավելի էժան կարժենա, քան ներկրման դեպքում:
«Այլընտրանքի համեմատ, որն այժմ քննարկում են իշխանությունները, այս տարբերակը փոխհատուցվելիության տեսանկյունից ավելի նպատակահարմար է: Անհասկանալի է, ինչպես կարելի է 100 դրամ ուղեւվարձի դեպքում 60 հազար դոլար արժողությամբ ավտոբուս ներկրել եւ ասել, որ դա կարող է տնտեսապես նպատակահարմար լինել», - պարզաբանեց նա:
Տիգրան Հովհաննիսյանը հավաստիացրեց, որ եթե որեւէ խոչընդոտ չլինի, ապա առաջին ավտոբուսները հնարավոր կլինի թողարկել արդեն մինչեւ 2020 թվականը:
Արտադրությունը, հավանաբար, կկազմակերպվի Տավուշի մարզում:
«Բնականաբար, ինչպես եւ ցանկացած բիզնես նախագծի համար, մեզ որոշակի երաշխիքներ են պետք, որ համապատասխան պայմաններ կստեղծվեն:
Ի դեպ, Ադրբեջանն ու Վրաստանը, չլինելով ԵՏՄ անդամ, ավելի ակտիվ աշխատանք են տանում, որպեսզի ռուսաստանյան ընկերությունների հետ համագործակցությամբ հայրենիքում ավտոբուսների արտադրություն հիմնեն»,-ասաց նա՝ նկատելով, որ իրենց կազմակերպությունը նույնպես պատրաստ է կանգառների վերանորոգման աշխատանքեր կաատարել եւ Հայաստանում վերգետնյալ ավտոկանգառների ժամանակակից համակարգ ներդնել:
