News
Լրահոս
News
Հինգշաբթի
Մարտ 28
Տեսնել լրահոսը

Թուրքիայի նախագահ Ռեջեփ Թայիփ Էրդողանի սպառնալիքը Թուրքիայում երկու բազաների փակման մասին, եթե ԱՄՆ Կոնգրեսը հավանություն տա պատժամիջոցների օրինագծին, մատնանշում է ոչ թե այն, որ Թուրքիան ցանկանում  է խզել հարաբերությունները ՆԱՏՕ-ի հետ, այլ  որ ցանկանում է օգտագործել դաշինքը որպես Վաշինգտոնի դեմ ճնշման լծակ, գրում է Bloomberg-ը։

ԱՄՆ պաշտպանության նախարար Մարկ Էսփերը հայտարարել է, որ Ինջիրլիքի եւ Քյուրեջիքի ավիաբազաների փակումը կասկածի տակ կդնի Թուրքիայի հավատարմությունը դաշինքին։ Դա աշխուժացրել է բանավեճը, որ Թուրքիան  երկարատեւ ռիսկ է ներկայացնում ՆԱՏՕ-ի համար։

ԱՄՆ Սենատը հավանություն է տվել պաշտպանական բյուջեին, որը նախատեսում է Թուրքիայի բացառում F-35 անտեսանելի կործանիչների ստեղծման ծրագրից եւ հինգերորդ սերնդի 100 ինքնաթիռների մատակարարման դադարեցում այն պատճառով, որ Անկարան որոշել է գնել ռուսական Ս-400 համակարգեր։ Բայց Թուրքիան կարող է բախվել ավելի կոշտ պատժամիջոցների առաջիկա օրերին, քանի որ մեկ այլ օրինագծով, որն արժանացել է Սենատի միջազգային հարաբերությունների կոմիտեի հավանությանը, նախատեսված են միջոցներ, որոնք պետք է ընդունվեն այն ակտին համապատասխան, որն ուղղված ՝ Ռուսաստանի հետ բիզնես վարող կազմակերպությունների դեմ։

Ինչպես նշում է Bloomberg-ը, Թուրքիայի սպառնալիքները «չեն վկայում Էրդողանի պատրաստակամության մասին՝ խզել հարաբերությունները ՆԱՏՕ-ի հետ, նա ավելի շուտ դաշինքը կօգտագործի որպես Վաշինգտոնի հետ երկկողմանի վեճի լծակ»։

Ոչ Ինջիրլիքը, ոչ Քյուրեջիքի ավիաբազան ՆԱՏՕ օբյեկտներ չեն, դրանք Թուրքիայի կողմից վերահսկվող բազաներ են, որոնցից ԱՄՆ-ը կարող է օգտվել Թուրքիայի հետ համաձայնագրի հիման վրա՝ թուրքական խորհրդարանից կոնկրետ թույլտվություններ ստանալու պայմանով։

Վաշինգտոնի արտաքին քաղաքականության հետազոտությունների ինստիտուտի մերձավորարեւելյան ծրագրի տնօրեն Աարոն Սթեյնի խոսքով՝ Ինջիրլիքն այժմ պարզապես գործում է որպես պահեստ ԱՄՆ տակտիկական միջուկային զենքի համար եւ որպես Աֆղանստան տեղափոխվելու համար տեղակայման կենտրոն։ Բայց Քյուրեջիքի փակումը, որտեղ տեղակայվում է ԱՄՆ-ից կառավարվող, բայց ՆԱՏՕ-ի համար չափազանց կարեւոր ռադիոտեղորոշիչ կայանը, կարող է ավելի գործնական հետեւանքներ ունենալ իր ռազմավարական դիրքի պատճառով։

Սթեյնի խոսքով՝ այս ավիաբազաներից ավելի կարեւոր է «այն բանի կոշտ գնահատականը, որ չնայած ԱՄՆ-ի եւ ՆԱՏՕ-ի հետ Թուրքիայի ռազմական կապերը ցանկալի են, դրանք այլեւս պետք չեն»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ադրբեջանի ԱԳՆ-ն ՆԱՏՕ-ի նախկին գլխավոր քարտուղարին «նեղմիտ քաղաքական գործիչ» է անվանել 
Երեկոյան թողարկումը նվիրված է անձամբ ՆԱՏՕ-ի նախկին գլխավոր քարտուղար Անդերս Ֆոգ Ռասմուսենին և նրա խմբի հրապարակած զեկույցին...
ՆԱՏՕ-ն քննարկում է դաշինքի սահմանների մոտ հրթիռներ խփելու հնարավորությունը
ՆԱՏՕ-ն ուսումնասիրում է տարբեր հայեցակարգեր...
ՆԱՏՕ-ի ուժերի կողմից Հարավսլավիայի ռմբակոծության մեկնարկից անցել է 25 տարի
Սերբիայի բազմաթիվ քաղաքներում տեղի են ունեցել հիշատակի արարողություններ...
Թուրքիայի ԱԳՆ նախարարը եւ ՆԱՏՕ գլխավոր քարտուղարը հեռախոսազրույց են ունեցել
Դիվանագիտական աղբյուրներից ստացված տեղեկատվության համաձայն...
ՆԱՏՕ. Մենք անվերապահորեն դատապարտում ենք հարձակումը Մոսկվայում համերգի հանդիսատեսների վրա
Մենք անվերապահորեն դատապարտում ենք...
Շվեյցարիայում պահանջում են հանրաքվե անցկացնել
Հանրաքվեի վերաբերյալ դրական որոշման համար, շվեյցարական օրենսդրության համաձայն...
Ամենաշատ