ՀՀ վարչապետ Նիկոլ Փաշինյանը ֆեյսբուքյան իր էջում շարունակում է հրապարակել օգտատերերի կողմից ուղարկված այն լուսանկարները, որտեղ հակահամաճարակային կանոնները քաղաքացիները խախտում են։
Ստորեւ ներկայացնում ենք լուսանկարերն ու դրանց կից վարչապետի գրառումները:
Արեւմտյան մաքսատուն. շատ մարդ չի վարակվի, ընդամենը մեկ-երկու հոգի. շարունակությունը երկրաչափական պրոգրեսիայով: Այս անպատասխանատվությունը անհետեւանք չի մնա:
Երջանկություն նորապսակներին. իսկ նրանց տատիկ-պապիկներին ի՞նչ: Լուսանկարն արվել է այսօր՝ Սաղմոսավանքում:
Յունիբանկ Սեւան. համաճարակային ծանր վիճակում գտնվող քաղաքում այսպիսի կիսակազմակերպ վիճակ:
ACBA բանկ Վանաձոր. գծանշում կա, բայց միայն նկարվելու համար:
Մայիսի 25-ին այսպես վերջին զանգ են նշել Երեւանի 114 դպրոցի շրջանավարտները։
Հ.Գ. Պարող կինը, պարզվում է, դպրոցի տնօրենն է:
Երեւանի քաղաքապետարան. մեկ պատուհան, միասնական վիրուս։
«Արդշինբանկ» Աբովյան. անպատասխանատու մոտեցում։
«Ըստ օգտատիրոջ՝ Իջեւանի ՎՏԲ բանկի դիմաց, հենց հիմա»
