Արարատի մարզի Երասխ համայնքի ղեկավար Ռադիկ Օղիկյանի վիրահատությունն ավարտվել է։ Մեր տեղեկություններով՝ համայնքապետի վիրահատությունը լավ է անցել, նրա վիճակը կայուն է։ Ռադիկ Օղիկյանին արդեն տեղափոխել են հիվանդասենյակ։

Հիշեցնենք, որ երեկ՝ հունիսի 19-ին, Պաշտպանության նախարարությունը հայտնել էր, որ ադրբեջանական զինված ուժերը ժամը 18:40-ից սկսած տարբեր տրամաչափի հրաձգային զինատեսակներից գնդակոծել են հայ-ադրբեջանական սահմանի Երասխի հատվածում տեղակայված հայկական դիրքերը: Կիրառվել են նաեւ ականանետեր: Իրադրությունը հանդարտվել է գիշերը ժամը՝ 02։00-ին։

Փոխհրաձգության ընթացքում վիրավորում էր ստացել Երասխի համայնքապետ Ռադիկ Օղիկյանը, որը փորձում էր կազմակերպել ադրբեջանցիների գործողությունների արդյունքում բռնկված հրդեհը մարելու աշխատանքները։

Նշենք, որ Ռադիկ Օղիկյանը նախօրեի գիշերն էր տեղափոխվել «Աստղիկ» բժշկական կենտրոն «Արարատի հիվանդանոց» բժշկական կենտրոնից։