News
Լրահոս
News
Շաբաթ
Դեկտեմբեր 04
Տեսնել լրահոսը

Նախկին փոխվարչապետ, այժմ՝ պատգամավոր Արմեն Գեւորգյանի փաստաբան Ալեքսանդր Կոչուբաեւը դատավոր Աննա Դանիբեկյանի ինքնաբացարկի մասին միջնորդություն է ներկայացրել։

Նիստի սկզբում փաստաբան Ալեքսանդր Կոչուբաեւը (առաջին անգամ է մասնակցում) դատարանին հանձնեց իր մասնակցության փաստաթղթերը։ Դատավորը ճշտեց՝ ստացե՞լ է արդյոք նա դեռեւս սեպտեմբերի վերջին ուղարկված նյութերը։ Փաստաբանը պատասխանեց՝ ոչ, ավելացնելով, որ այժմ դա չէ ամենակարեւորը, քանի որ նա մտադիր է միջնորդություն ներկայացնել դատավորի ինքնաբացարկի մասին։

Փաստաբանը հիշեցրեց, որ կարեւորագույն պայման են դատավորի օբյեկտիվությունը եւ անաչառությունը։ Սուբյեկտիվ տպավորության մասով փաստաբանը նշեց իր եւ մյուս փաստաբանների, Արմեն Գեւորգյանի տիկնոջ (որի բժշկական տվյալները դատավոր Աննա Դանիբեկյանն առանց թույլտվության հրապարակեց դատարանում) տպավորությունը։

Օբյեկտիվ հանգամանքների մասով փաստաբանը հիշեցրեց, որ անցած տարվա մարտ-ապրիլին, երբ բարձրացված էր Ռոբերտ Քոչարյանի նկատմամբ խափանման միջոցը փոխելու հարցը, լուրեր տարածվեցին այն մասին, որ դատավորը քթի վիրահատության է գնում։ Փաստաբանը  այս հարցը բարձրացրեց մամուլի ասուլիսում, հետո հաջորդեց ԲԴԽ կոչը՝ քննարկել փաստաբանի պահվածքը, նա կասկածվեց դատավորի անձնական եւ բժշկական տվյալները հրապարակելու մեջ։ «Բանը դատարանի մեջ է։ Վստահ եմ, որ Դուք տեսել եք դատարան հրավիրվածների մեջ (այնուամենայնիվ, որպես վկա) իմ ազգանունը»,- նշեց փաստաբանը։ Ալեքսանդր Կոչուբաեւը դատավոր Դանիբեկյանի կողմնակալ վերաբերմունքի այլ օրինակներ էլ բերեց, արդեն այլ գործերով։

«Եվ այս գործով էլ Ձեր վերաբերմունքը առաջ է բերում բազմաթիվ հարցեր»,- նշեց փաստաբանը՝ հիշեցնելով, որ քանիցս խնդրել է փոխել նիստի օրը՝ ամեն անգամ մերժում ստանալով։

«Տարօրինակ համառությամբ Դուք հնարավորություն չեք տալիս մասնակցել նիստին։ Եվ չեք ցանկանում տրամադրել գործի հատորները՝ վկայակոչելով, թե փոխանցվել են գործին «վերաբերողները»։ Դա Դուք չեք որոշում։ Եվ սա նույնպես վկայում է իմ հանդեպ Ձեր վերաբերմունքի մասին»,- ընդգծեց փաստաբանը։ Նա հիշեցրեց, որ յոթ տասնյակ հատորներին ծանոթանալու համար դատարանը հատկացնում է յոթ օր։ «Դուք չեք կարող քննել այս գործն իմ մասնակցությամբ, քանի որ այլ գործով մենք Ձեզ հետ տարբեր կողմերում ենք, մանավանդ որ ես այն գործով դատարանում դեռ չեմ հարցաքննվել, եւ Դուք կարող եք օգտագործել դա։ Եվ ես արդեն նկարագրեցի Ձեր վերաբերմունքն իմ նկատմամբ»,- շարունակեց փաստաբանը։ Կանխելով հարցը, թե ինչու է այդ դեպքում նա ինքը մտել դատավարության մեջ, Կոչուբաեւը հիշեցրեց, որ արդեն երեք տարի համագործակցում է Արմեն Գեւորգյանի հետ, վաղուց է ներկայացնում նրա իրավունքները, եւ նրանք նպատակահարմար են գտել իր մասնակցությունը դատավարությանը։

«Այսօր Ձեր ծննդյան օրն է։ Ինքներդ Ձեզ նվեր արեք, ինքնաբացարկ տվեք»,- հորդորեց փաստաբանը։

Լսելով Կոչուբաւեին՝ դատավորը դիմեց փաստաբան Լուսինե Սահակյանին՝ հիշեցնելով, որ նա եւս պատրաստվում էր միջնորդություն ներկայացնել դատավորի ինքնաբացարկի մասին։ Լուսինե Սահակյանը տեղեկացրեց, որ վատառողջ է եւ իր համար դժվար է խոսելը, եւ հաշվի առնելով գործընկերոջ նեևրկայացրած հիմնավորված միջնորդությունը՝ նա ձեռնպահ կմնա իր միջնորդությունը ներկայացնելուց՝ այն հույսով, որ դատավորը կգնա օրինական ճանապարհով եւ ինքնաբացարկ կտա։ «Դուք այդ միջնորդությունը մերժելու հնարավորություն չունեք։ Իսկ եթե դատարանը գնա անօրինական ճանապարհով, հաջորդ նիստին ես միջնորդություն կներկայացնեմ ձեր ինքնաբացարկի մասին»,- ասաց Սահակյանը։

Ռոբերտ Քոչարյանի փաստաբան Հովհաննես Խուդոյանը նույնպես միջնորդություն ներկայացրեց դատավորի ինքնաբացարկի մասին։ Նա ուշադրություն հրավիրեց մասնակիցների հանդեպ դատավորի բացասական վերաբերմունքի վրա, ինչը դրսեւորվում է կոնկրետ որոշումներում, ավելի ճիշտ՝ այն բանում, որ դատավորը հետեւողականություն չի ցուցաբերում՝ անկանոն, միմյանց հակասող որոշումներ ընդունելով։ «Ձեր պրոֆեսիոնալ հատկանիշները ոչ ոք կասկածի տակ չի դնում։ Եվ դա բացասաբար է բնութագրում ընդունվող որոշումները»,- ընդգծեց փաստաբանը՝ դատարանի անհետեւողական որոշումների մի քանի օրինակներ բերելով. «Դատարանը կարող է փոխել տեսակետը, բայց դա պետք է մոտիվացված լինի»։ Փաստաբանի կարծիքով՝ եզրակացությունն այն է, որ դատավորը ինքնուրույն չի կայացնում վճիռները, այլ ըստ ազդանշանների, որոնք հաճախ կապված են ոչ դատական քաղաքական իրադարձությունների հետ։ Խուդոյանի խոսքով՝ այս ամենը վկայում է  դատարանի սուբյեկտիվ վերաբերմունքի մասին եւ ինքնաբացարկի հիմք է հանդիսանում։

Դատախազ Գեւորգ Բաղդասարյանը առաջին միջնորդության հիմնավորումն անվանեց պրիմիտիվ եւ անհեթեթ։ Դատախազը բավական մանրամասն եւ հանգիստ պարզաբանեց իր տեսակետը՝ մի քանի անգամ կրկնելով «պրիմիտիվ» բառը։ Երկրորդ միջնորդության հիմնավորումները, շարունակեց դատախազը, բազմիցս քննարկվել են։ «Դրա համար կարծում եմ, հարկ չկա, որ դատարանը գնա խորհրդակցական սենյակ։ Ես պնդում եմ, որ տեղի է ունենում պաշտպանության կողմից իրավունքի չարաշահում եւ խնդրում եմ դատարանին փաստել սա»,- ասաց դատախազը՝ անհրաժեշտ համարելով մեղադրական եզրակացության ամփոփիչ մասի հրապարակումը։

Ի պատասխան՝ փաստաբան Կոչուբաեւը խնդրեց դատախազին վերալսել ձայնագրությունը՝ փոխելու համար կարծիքը իր ներկայացրած փաստարկների «պրիմիտիվության» մասին։

Կողմերին լսելով՝ դատավորը սկսեց հետաքրքրվել, թե ինչու է փաստաբան Կոչուբաեւը, խոսելով վերոնշյալ մեկ այլ գործի մասին, որտեղ Դանիբեկյանը հանդես է գալիս որպես տուժող (պատմություն՝ կապված քթի վիրահատության հետ), իրեն անվանել պաշտպանության վկա։ Փաստաբանը ստիպված էր պարզաբանել, որ դա իրավագիտության մեջ լայնորեն օգտագործվող տերմին է։

Փաստաբան Հայկ Ալումյանը իր ելույթը կենտրոնացրեց դատախազի «պրիմիտիվության» մասին հայտարարության վրա եւ հիշեցրեց հենց դատախազ Բաղդասարյանի գործողությունները, որը միջնորդություն էր ներկայացրել Վերաքննիչ դատարանի դատավոր Մխիթար Պապոյանի ինքնաբացարկի մասին այն բանի հիման վրա, որ հենց դատավորին զրպարտել էին։ Ընդ որում՝ Պապոյանը միջորդությունը բավարարեց։ Համեմատեք եւ համոզվեք, թե ով է ներկայացնում պրիմիտիվ միջնորդություններ, առաջարկեց փաստաբանը՝ փաստելով, որ մեղադրող կողմը մշտապես պաշտպանությանն է վերագրում սեփական թերությունները։

Դատավորը հեռացավ խորհրդակցական սենյակ՝ միջնորդության վերաբերյալ որոշում կայացնելու։ Որոշումը կհրապարակվի այսօր ժամը 16.00-ին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Փաստաբան. պետությունը պետք է փոխհատուցի Ռոբերտ Քոչարյանի ապօրինի ձերբակալության համար
«Քանի որ դատարանները միշտ շեշտել են, որ կալանքը պայմանավորված է 300.1 հոդվածով․․․
Վերաքննիչ քրեական դատարանը ՍԴ չի դիմելու․ դատարանը կողմերի միջնորդությունները մերժեց
Դատարանը նաեւ մերժեց ՀՀ երկրորդ նախագահ Ռոբերտ Քոչարյանի պաշտպանների եւ տուժող…
Ռոբերտ Քոչարյանի եւ Արմեն Գեւորգյանի գործով դատական նիստը հետաձգվել է մոտ մեկ ամսով
Այսօրվա նիստը, ինչպես եւ նախորդ մի քանի նիստերը, չկայացավ...
Այսօր կկայանա Ռոբերտ Քոչարյանի եւ Արմեն Գևորգյանի գործով դատական նիստը
Նախորդ մի քանի նիստերը տարբեր պատճառներով հետաձգվել էին...
Աննա Դանիբեկյանի «այլ տարածքը» Արցա՞խն է. «Այլընտրանքային նախագծեր խումբ»
Երեկ դատավորին էին դիմել ՀՀ երկրորդ նախագահ Ռոբեր Քոչարյանն ու ՀՀ ԱԺ Տարածաշրջանային և Եվրասիական ինտեգրման հարցերի հանձնաժողովի նախագահ…
Ռոբերտ Քոչարյանի եւ Արմեն Գեւորգյանի գործով դատական նիստը հետաձգվել է մեկ շաբաթով
ՀՀ երկրորդ նախագահի պաշտպաններն ավելի վաղ դիմել են դատարանին եւ հայտնել, որ Ռոբերտ Քոչարյանը կմասնակցի․․․ կ շաբաթով։
Ամենաշատ