Թուրքիայում ձերբակալել են Ստամբուլում ահաբեկչություն ծրագրած անձին, գրում է Hürriyet-ը։
«Թարմ լուրեր։Ահաբեկչության հետ կապված իրադարձությունների նոր զարգացում։ Ձերբակալվածների թիվն ավելացել է։ Ձերբակալվել է ահաբեկչություն ծրագրող Ամմար Ջարկասը»,-գրում է թերթը։
Հիշեցնենք, որ կիրակի Ստամբուլի կենտրոնում գտնվող Բեյօղլու թաղամասի Իսթիքլալ փողոցում պայթյուն է որոտացել։ Զոհվել է վեց մարդ, տուժել է 81-ը։
Թուրքիայի ՆԳ նախարար Սուլեյման Սոյլուն կասկած է հայտնել, որ ահաբեկչության կատարման ցուցումը ստացվել է Սիրիայի սահմանամերձ Քոբանի քաղաքից, իսկ կատարողն Աֆրին քաղաքով անցել է թուրքական տարածք: Սոյլուն հայտարարել է, որ իր երկրի իշխանությունները չեն ընդունում ահաբեկչության կապակցությամբ ԱՄՆ դեսպանատան ցավակցությունները:
