Ազատամարտի վետերանների միությունն առաջիկա խորհրդարանական ընտրություններում աջակցելու է Հայաստանի հանրապետական կուսակցությանն ու նախագահ Սերժ Սարգսյանին:

Այսօր` ապրիլի 6-ին, Կառավարության նիստերի դահլիճում կայացել է Ազատամարտի վետերանների միության 5-րդ հերթական  համագումարը։

Միության նախագահ Համլետ Հովսեփյանը համագումարի պատվիրակներին առաջարկել է կանգնել «գերագույն գլխավոր հրամանատարի թիկունքին»:

Ի դեպ, թեեւ միությունը բազմաթիվ ուժերի էր հրավիրել համագումարին, ներկա էին միայն հանրապետական կուսակցությունը ներկայացնող ԱԺ փոխնախագահ Էդուարդ Շարմազանովն ու պատգամավոր Ռազմիկ Զոհրաբյանը։