Բրազիլիայի Բելու Օրիզոնտի քաղաքի հյուսիսարևելյան շրջանի Սիլվեյրա թաղամասում փոքր միաշարժիչ ինքնաթիռը բախվել է բնակելի շենքի, հայտնում է Globo-ն:

Ինքնաթիռը Մինաս Ժերայս նահանգի մայրաքաղաքի Պամպուլյա օդանավակայանից օդ է բարձրացել տեղական ժամանակով 12:16-ին:

Հրշեջ ծառայության տեղեկություններով՝ վթարի պահին օդանավում հինգ մարդ է եղել։ Օդաչուն և մեկ ուղևոր զոհվել են, ևս երեք մարդ վնասվածքներով տեղափոխվել է Ժուան XXIII-ի անվան հիվանդանոց:

Շենքի բնակիչներից ոչ ոք չի տուժել։

Հրշեջ ծառայությունը տարհանել է շենքի բոլոր բնակիչներին: