ՆախընտրելիNEWS.am-ի ունեցած տեղեկություններով՝ գիշերը բացահայտվել է Աշտարակում տեղի ունեցած սպանությւոնը։ Սպանությունը կատարել է Աշտարակի բնակիչ՝ 39-ամյա Ռուբեն Հակոբյանը։ Ոստկանությունում հարցաքննության ժամանակ նա խոստովանել, որ ինքն է կատարել սպանությունը, եւ ներկայացրել է իրեղեն ապացույցը՝ ատրճանակը։
Մեր ունեացած տեղեկություններով՝ սպանության պատճառի տարբեր վարկածներ են շրջանառվում Աշտարակում։ Վարկածներից մեկի համաձայն՝ վեճը տեղի է ունեցել կենցաղային հողի վրա։ Ըստ շրջանառվող լուրերի՝ սպանվածը՝ Արամ Հովակիմյանը եւ հանցագործություն կատարած Ռուբեն Հակոբյանը հեռավոր ազգականներ են։
Ավելի վաղ NEWS.am-ը հայտնել է, որ Արագածոտնի մարզում մայիսի 8–ին՝ ժամը 20.30-ի սահմաններում կրակոցներ են հնչել, որի հետեւանքով մահացել է Աշտարակ քաղաքի բնակիչ 37-ամյա Արամ Հովակիմյանը: Ոստիկանության փոխանցմամբ` դեպքի վայրում օպերատիվ քննչական խումբը հայտնաբերել է 9մմ տրամաչափի երեք պարկուճ եւ 1 գնդակ։
Ըստ շրջանառվող տեղեկությունների` Ա. Հովակիմյանը աշխատում էր Արագածոտնի մարզի ընդհանուր իրավասության դատարանում՝ որպես ցրիչ։
Փաստի առթիվ հարուցվել է քրեական գործ ՀՀ Քրօր.-ի 104 հոդվածի 1–ին մասի եւ 235-րդ հոդվածի հատկանիշներով (սպանություն եւ ապօրինի կերպով զենք, ռազմամթերք, պայթուցիկ նյութեր ձեռք բերելը, իրացնելը, պահելը, փոխադրելը կամ կրելը)։ Հայտնաբերված պարկուճներն առգրավվել են եւ ուղարկվել, նշանակվել են մի շարք փորձաքննություններ։
