նախընտրելի դարձնելԹբիլիսիի «Ալիա» թերթը հրապարակել է Վրաստանի նախագահ Միխայիլ Սահակաշվիլիի լուսանկարները, որտեղ նա այցելում է Միլանի խանութներ:
Թերթի տվյալներով, Սահակաշվիլին Միլան է մեկնել Թբիլիսիում տեղի ունեցած ջրհեղեղի հաջորդ օրը, որի ժամանակ 5 մարդ էր մահացել, իսկ շատ բնակիչներ մնացել էին անտուն:
Ջրհեղեղի օրը երեկոյան Սահակաշվիլին Սլովենիայում այցելել է մարզադաշտ` դիտելու Չեմպիոնների լիգայի մինչեւ 17 տարեկանների Վրաստան-Հոլանդիա խաղը (0:2) դիտելու, այնուհետեւ ուղեւորվել է խանութներ` գնումների:
«Ալիան» հիշեցնում է, որ դրանից մի քանի օր առաջ Սահակաշվիլին խիստ քննադատության էր ենթարկել պետական պաշտոնյաներին, ովքեր հաճախ են գործուղումների մեկնում արտասահման, նշելով, որ երկիրը ծանր վիճակում է գտնվում:
«Սահակաշվիլին կորցրել է իրականության զգացողությունը, ուստի որոշել է ժամացույց գնել խանութից»,-հեգնում է թերթը:
Վրաստանի նախագահի աշխատակազմը դեռ որեւէ կերպ չի մեկնաբանել այդ տեղեկությունը:
