նախընտրելի դարձնել
Պաղեստինի նախագահ Մահմուդ Աբասը կարգադրել է նախագահական և խորհրդարանական ընտրություններն անցկացնել միաժամանակ՝ 2027 թվականի սեպտեմբերի 11-ին, հայտնել է պաղեստինյան Wafa լրատվական գործակալությունը՝ հղում կատարելով պետության ղեկավարի գրասենյակի հայտարարությանը։
«Շաբաթ օրը Աբասը նախագահական հրամանագիր է ստորագրել նախագահական և խորհրդարանական ընտրությունները միաժամանակ՝ 2027 թվականի սեպտեմբերի 11-ին անցկացնելու մասին», — նշվել է հաղորդագրության մեջ։
Ավելի վաղ խորհրդարանական ընտրությունները նախատեսվում էր անցկացնել 2026 թվականի նոյեմբերի 28-ին, իսկ նախագահական քվեարկությունը սպասվում էր 2027 թվականի սկզբին։ Այսպիսով, խորհրդարանական ընտրությունները հետաձգվել են գրեթե տասն ամսով։
Պաղեստինում խորհրդարանական ընտրությունների անցկացումը աջակցություն է ստանում միջազգային հանրության կողմից, որը կոչ է անում թարմացնել իշխանության ներկայացուցչական մարմինները։ Նոր ամսաթիվը ենթադրում է, որ նախագահի և խորհրդարանի ընտրությունները կանցկացվեն նույն օրը։
