Ամերիկացիները նախընտրում են ճապոնական մեքենաներ

ԱՄՆ-ում 2012 թ.-ի ամենաանվտանգ մեքենաներ են ճանաչվել  ճապոնական արտադրության մեքենաները. «թոփ-10»-ի մեջ ճապոնացիները նվաճել են միանգամից յոթ հորիզոնական: Համապատասխան վարկանիշը կազմել է Consumer Reports պարբերականը` իր 1,2 մլն բաժանորդների տվյալների հիման վրա, ովքեր գնահատել են սեփական մեքենաները:

Վարկանիշային ցուցակում ճապոնական 90 մոդելներից 86-ը լավ թվանշաններ են ստացել: Նրանցից 35-ը ամենաբարձր բալերին են արժանացել, իսկ ամենամեծ վստահությամբ առանձնացել է Toyota Prius C հիբրիդը: Ամերիկյան մեքենաների թվում ամենաքիչ բողոքները հասցեագրվել են Cadillac CTS-ին, հաղորդում է motor.ru-ն:

Ցուցակի վերջին 28 տեղերը զբաղեցրել են Ford եւ Lincoln ապրանքանիշերը: Մասնագետները նշել են, որ ամենաշատ պարսավանքները ստացել են Explorer, Fiesta եւ Focus ապրանքանիշերը:

ԱՄՆ-ում 2012 թ.-ի ամենավստահելի մեքենաների մոդելների  «թոփ-10»-ն այսպիսինն է.

1. Scion

2. Toyota

3. Lexus

4. Mazda

5. Subaru

6. Honda

7. Acura

8. Audi

9. Infiniti

10. Kia