նախընտրելի դարձնել
2013թ. շաքարեղեգի պահանջարկը կավելացնեն շաքարավազի եւ էթանոլի գործարանները: Միաժամանակ գյուղատնտեսական նոր տարեշրջանում կավելանա նաեւ բերքատվությունը, դա էլ նշանակում է` շաքարավազի արտադրությունը: «Agrimoney»-ն նշում է, որ վերլուծաբաններն ավելացնում են 2012 – 13 մարքեթինգային տարվա կանխատեսումները: Դեկտեմբերի 21-ին իր կանխատեսումն է ավելացրել Նիդեռլանդների «Rabobank»-ը (մինչեւ 6,6 միլիոն տ), դեկտեմբերի 19-ին` բրիտանական «Czarnikow group»-ը (մինչեւ 7,8 միլիոն տ), ավելի վաղ շվեյցարական «Kingsman»-ը` մինչեւ 9,2 միլիոն տ:
Դրական են մնում Բրազիլիայից, Մեքսիկայից եւ այլ երկրներից սպասելիքների կանխատեսումները, նշում է «Rabobank»-ի վերլուծաբան Էնդի Դաֆը:
Այնուամենայնիվ, դա չի նշանակում, որ շաքարավազը կշատանա: Շաքարի արդյունաբերության մեծ հարցը` շաքար, թե էթանոլ, 2013-2014թթ. ավելի արդիական կլինի, քան նախկինում: Եթե նախորդ տարիներին նախընտրում էին շաքարավազը, ապա այժմ իրավիճակը կարող է փոխվել մի շարք գործոնների ազդեցությամբ. շաքարավազի գների համաշխարհային նվազումը, ԱՄՆ էթանոլի ակտիվ արտահանումը եւ բենզինի գների ավելացման սպասումները Բրազիլիայում, որտեղ վառելանյութի մեջ ավելացվում է 20 - 25% էթանոլ` կախված ապրանքանշանի տեսակից:
Այնուամենայնիվ, գների վրա դա միանգամից չի ազդի, քանի որ Բրազիլիայում բերքահավաքն ավարտվել է, եւ այժմ եղեգների արտադրություններին դժվար է անցում կատարել շաքարավազից էթանոլի: Այդ պատճառով էլ շաքարավազի գների ավելացում դեռեւս չպետք է սպասել: Բրազիլիայում պատրաստի բերքն արդեն բաշխվել է ամբարներով, սպիրտը լցվել տարաները: Շաքարավազի կրճատում շուկաներում կարելի է սպասել միայն հաջորդ տարվա ամռանը, երբ ապագա բերքը կսկսեն փոխարինել էթանոլով:
