Նախընտրելի
ԱՄՆ-ը պատրաստ է Ալժիրին ցանկացած անհրաժեշտ օգնություն ցուցաբերել, շաբաթ հայտարարել է ԱՄՆ նախագահ Բարաք Օբաման` կապված Ալժիրի հատուկ ծառայությունների կողմից պատանդների ազատագրման գործողությունների հետ, որոնց իսլամիստնրը պահում էին գազավերամշակման գործարանում:
Օբաման հայտարարել է, որ ԱՄՆ-ը ամենավճռական կերպով դատապարտում է Ալժիրում ահաբեկիչների գործողությունները:
«Այս հարձակումը եւս մեկ հիշեցում է այն վտանգի մասին, որը ներկայացնում են «Ալ Քաիդան» եւ մյուս զինված խմբավորումները Աֆրիկայի հյուսիսում»,-ընդգծել է Օբաման:
Շաբաթ օրը Ալժիրի հատուկ նշանակության ջոկատներն իրականացրել էին պատանդների ազտագրման գործողությունների վերջին փուլը: Օպերացիայի ընթացքում զոհվել էր 11 գրոհային:
Ավելի վաղ NEWS.am-ը հայտնել էր, որ մինչ ալժիրյան բանակի գործողությունները, սպանվել էր 25 – 27 պատնադ:
