նախընտրելի դարձնել
Նյու Յորքում զենքի ազատ վաճառքի դեմ բողոքի ցույց է անցկացվել: «Միլիոնավոր մայրեր կողմ են զենքի վերահսկողության խստացմանը» հասարակական շարժման մոտ 400 մասնակիցներ ընթացել են Բրուքլինի կամրջով՝ կոչ անելով հետեւել Նյու Յորք նահանգի օրինակին:
Նման ցույցեր կանցկացվեն նաեւ ամերիկյան այլ քաղաքներում, գրում է «Ռոսբալտը»: Ցուցարարները պահանջում էին, որպեսզի Կոնգրեսը խստացնի հրազենի շրջանառության հանդեպ հսկողությունը:
«Միլիոնավոր մայրեր կողմ են զենքի վերահսկողության խստացմանը» շարժումը ստեղծվել էր Նյութաունի Սենդի Հուկ դպրոցի ողբերգության հաջորդ օրը:
Նյու Յորքի նահանգապետ Էնդրյու Կուոմոն զենքի շրջանառության վերահսկողության ԱՄՆ-ի ամենախիստ օրենքներից մեկն էր ստորագրել:
