Մեծ Բրիտանիայի վարչապետ Դեւիդ Քեմերոնը չհայտարարված այցով ժամանել է Լիբիա: Քեմերոնի աշխատակազմը լրատվամիջոցներին խնդրել է չհայտարարել այցելության մասին` անվտանգության նկատառումներից ելնելով:

Մոտ ժամանակներս Բրիտանիայի առաջնորդը հանդիպումներ կունենա Լիբիայի վարչապետ Ալի Զիդանի եւ նախագահ Մոհամեդ ալ-Մագրիֆի հետ, հաղորդում է BBC-ն:

Տրիպոլիում Քեմերոնն արդեն հանդիպել է Լիբիայի ՆԳ նախարարի հետ եւ այցելել ոստիկանության ուսումնարան, որը գործում է Մեծ Բրիտանիայի կառավարության աջակցությամբ:

Հիշեցնենք, որ Դեւիդ Քեմերոնը վերջին անգամ Լիբիա է ժամանել 2011-ի սեպտեմբերին` Մուամար Քադաֆիի ռեժիմի տապալումից հետո:

Նախօրեին Մեծ Բրիտանիայի վարչապետն այցելել է Ալժիր: