Նախընտրելի
ԱՄՆ-ի Կոնգրեսի շենքում կայացել է ԱՄՆ-ի պետդեպի նոր ղեկավար Ջոն Քերիի երդմնակալության փակ արարողությունը։
Արարողությունն անցկացրել է ԱՄՆ-ի Գերագույն դատարանի անդամ Էլենա Քեյգանը, հայտնել է Պետդեպարտամենտի ներկայացուցիչ Վիկտորյա Նուլանդը: Աստվածաշունչը, որի վրա երդվել է Քերին, բռնել է նրա կինը` Թերեզան: Արարողությանը նաեւ մասնակցել են նրա դուստր Վանեսան եւ եղբայր Քեմերոնը:
«Ինձ համար պարզապես մեծ պատիվ է երդվելը, եւ ես անհամբեր ցանկանում եմ սկսել աշխատանքը», - արարողության ավարտից հետո լրագրողներին հայտնել է Քերին:
BBC-ի ռուսական ծառայությունը հայտնում է, որ Մասաչուսեթսի նախկին սենատորն այժմ դարձավ ԱՄՆ-ի 68-րդ պետքարտուղարը:
