ՆախընտրելիԱրարատի մարզպետարանի աշխատակիցը նպաստառուից 27 հազար դրամ կաշառք է պահանջել` նրան նպաստից չզրկելու համար: Մասիսի ընդհանուր իրավասության դատարանից NEWS.am-ը տեղեկացավ, որ սույն գործը քննվելու է իրենց մոտ:
Գործի նյութերի համաձայն, 33-ամյա Սարգիս Մալխասյանը, հանդիսանալով Արարատի մարզպետարանի աշխատակազմի Մասիսի սոցիալական տարածքային գործակալության առաջատար մասնագետ, Մասիսի բնակիչ նպաստառու Հովհաննես Հասրաթյանի ընտանեկան նպաստը չդադարեցնելու համար 27 հազար դրամ գումար է վերցրել:
Այսինքն, իր լիազորությունների շրջանակում օրինական գործողություն կատարելու համար, նրանից պահանջել եւ իր աշխատասենյակում անձամբ ստացել է 27.հազար ՀՀ դրամ ապօրինի վարձատրություն:
Քրեական գործ է հարուցվել 311 հոդվածի 1-ին մասով: Խափանման միջոց ընտրվել է վնակավայրից չհեռանալւ ստորագրությունը: Գործը վարույթ է ստացվել փետրվարի 1-ին:
Առաջիկայում կնշանակվի դատական քննության օրը:
