նախընտրելի դարձնել
ԱՄՆ Իլինոյս նահանգում քննարկվում է մարզական կոշիկների համար լրացուցիչ հարկ կիրառելու մասին օրինագիծը: Չնայած հարկերի չափն աննշան է (յուրաքնաչյուր զույգի համար 25 սենթ), այն թույլ է տալիս պետական գանձարան մուտքագրել տարեկան 3 մլն դոլար:
Այդ գումարները նահանգային օրենսդիր մարմնի ներկայացուցիչ Ուիլ Դեվիսը նախատեսում է օգտագործել երիտասարդության մասնագիտական նախապատրաստման պետական ծրագրում:
Դեվիսի խոսքով` իրենց ուշադրությունը գրավել են հատկապես մարզական կոշիկները, քանի որ դրանք ամենաշատ գնողները երիտասարդներն են: Նշվում է, որ մարզական կոշիկների հարկն առաջին տարօրինակ հարկը չէ նահանգում: Նահանգում գործում է նաեւ մեքենաների անվադողերի եւ խմորեղենի հարկ:
