նախընտրելի դարձնել
Շարլ Ազնավուրի դուստրը` Սեդա Ազնավուրը «Facebook»-ի իր էջում արձագանքել է NEWS.am-ի հրապարակմանը եւ մեկնաբանել քրոջ` Կատիի կողմից իսլամ ընդունելու մասին լուրերը, տեղեկացնում է «Nouvelles d'Arménie»-ին:
«Ցանկանում եմ «Facebook»-ի բոլոր ընկերներին ասել, որ մենք` Ազնավուրներս հայկական ծագում ունենք, ծնվել ենք որպես քրիստոնյաներ, իսկ ավելի ճիշտ` գրիգորյանականներ: Չմոռանաք, որ Հայաստանը ճանչված է քրիստոնեական առաջին երկրներից, եւ մեր նախնիները զոհվել են հանուն այդ կրոնի, եւ մենք հպարտ ենք, որ որ մասն են մի ժողովրդի, որը մինչ օրս պայաքարում է իր արմատների անձեռնմխելիության համար: Ուստի պետք չէ հավատալ նրան, ինչ կարդում եք թերթերում, եւ մենք` Ազնավուրներս, երբեք որեւէ այլ կրոն չենք ընդունի, բացի մերից, իհարկե, հարգելով մյուսների կրոնը: Ինչո՞ւ մենք պետք է հրաժարվենք մեր ժառանգությունց: Դա անիմաստ է: Երբ ես մտածում եմ այն մասին, որ այնպիսի մարդը, ինչպիսին հայրս է, գրել է «Ավե Մարիան», ապա դա արդեն ինքնին ասում է ամեն ինչի մասին»:
Ամսագիրը նաեւ մեջբերում է NEWS.am-ի տեղեկատվությունը: Ավելի վաղ NEWS.am-ը տեղեկացրել էր, որ Կատի Ազնավուրը, ամուսնանալով մարոկացու հետ, իսլամ է ընդունել: Այդպիսի կարծիք NEWS.am-ին հայտնել էր քաղաքական շրջանակի աղբյուրը, որը ցանկացել էր անհայտ մնալ: Ըստ աղբյուրի` միաժամանակ, նա նշել էր, որ այդպիսի քայլը ոչ այլ ինչ է, քան բարձրագույն հանդուրժողականության եւ այլ կրոնների հանդեպ հարգանքի ցուցաբերում:
Հիշեցնենք, որ ամբողջ աշխարհում հայտնի, հայկական ծագմամբ ֆրանսիացի երգիչ Շարլ Ազնավուրը Հայաստանի դեսպանն է Շվեյցարիայում եւ ՅՈւՆԵՍԿՕ-ի բարի կամքի դեսպանը:
