նախընտրելի դարձնելՂազախստանի նախագահ Նուրսուլթան Նազարբաեւը մի քանի օր առաջ գաղտնի ժամանել է Իսրայել։ Իսրայելական լրատվամիջոցների տվյալներով, նա բուժման է եկել, այցը տեղի է ունենում հույժ գաղտնի մթնոլորտում։
Նազարբաեւի ժամանելու մասին լրացուցիչ տեղեկություններ չեն հրապարակվում։ Ղազախստանի նախագահի պաշտոնական կայքում տեղեկություն չկա այն մասին, թե տվյալ պահին որտեղ է գտնվում Նազարբաեւը, գրում է NEWSru.com-ը։
Դրա հետ մեկտեղ 2011 թվականի ամռանը լրատվամիջոցներում լուրեր հայտնվեցին, որ Ղազախստանի նախագահի մոտ շագանակագեղձի քաղցկեղ են հայտնաբերել։ Հիշեցնենք, որ Նուրսուլթան Նազարբաեւը մի քանի տարի առաջ Գերմանիայում շագանակագեղձի վիրահատություն է տարել։
