Բրիտանիայի Լինքոլնշիր կոմսությունում 14-ամյա Քեյլի Լորին կանխատեսել է իր մահը՝ ճանապարհին ողբերգական միջադեպից մեկ րոպե առաջ, հասցնելով հաղորդագրություն ուղարկել Facebook-ի իր ընկերներին:

Աղջկա հոր ընկեր Սթիվեն Հեյթերը, գտնվելով լավ հարբած վիճակում, եկել է Քեյլիին դպրոցից տանելու: Վերականգնելով ողբերգության մանրամասները, ոստիկանները հայտնել է, որ տղամարդն ընթացքի պահին փորձել է հանել ծխախոտը եւ կորցրել մեքենայի կառավարումը: Բարձր արագությամբ ընթացող նրա ավտոմեքենան ընկել է ջրանցքը, հաղորդում է Life News-ը:

Ավտովթարից մի քանի րոպե առաջ 14-ամյա աղջիկը, վախեցած հոր ընկերոջ վարելու ձեւից,  հասցրել է հաղորդագրություն ուղարկել իր ձեռքի հեռախոսից. «Ինձ թվում է, ես շուտով կմահանամ: Հաջողություն ընկերներ»: Աղջիկը հենց դեպքի վայրում մահացել է արյան կորստից:

Սթիվեն Հեյթերին դատապարտել են 6 տարվա ազատազրկման: