նախընտրելի դարձնելԵրեւանում, ապրիլի 18-ին, կայացել են Հայաստանի եւ Բելառուսի ԱԳ նախարարությունների միջեւ հերթական խորհրդատվությունները` արտաքին գերատեսչությունների ղեկավարների տեղակալների մակարդակով:
ԱԳՆ մամուլի ծառայությունից հայտնում են, որ Հայաստանի եւ Բելառուսի ԱԳ նախարարների տեղակալներ Շավարշ Քոչարյանի եւ Ալեքսանդր Միխնեւիչի գլխավորությամբ կայացած խորհրդատվությունների ժամանակ քննարկվել են երկկողմ հարաբերություններին, մասնավորապես՝ առեւտրատնտեսական կապերի եւ միջխորհրդարանական համագործակցության ակտիվացմանը, ապակենտրոնացված փոխգործակցության խրախուսմանը, երկու երկրների միջեւ առկա իրավապայմանագրային դաշտի ընդլայնմանը, ինչպես նաեւ միջազգային կառույցների շրջանակներում երկկողմ համագործակցությանն առնչվող հարցեր:
Նույն օրը Հայաստանի եւ Բելառուսի ԱԳ նախարարների տեղակալներ Զոհրաբ Մնացականյանը եւ Ալեքսանդր Միխնեւիչը խորհրդատվությունների ժամանակ քննարկել են միջազգային կառույցների շրջանակներում, իրականացվող համագործակցությանն առնչվող հարցերի լայն շրջանակ:
