նախընտրելի դարձնելԱյսօր՝ ապրիլի 23-ին, Հայաստանի կենտրոնական ընտրական հանձնաժողովն իր արտահերթ նիստում էլեկտրոնային վիճակահանությամբ իրականացրել է Արմավիրի, Գեղարքունիքի, Լոռիի, Կոտայքի, Շիրակի մարզերի մի շարք համայնքներում 2013թ. մայիսի 26-ին կայանալիք տեղական ինքնակառավարման մարմինների ընտրությունների տեղամասային ընտրական հանձնաժողովների նախագահների եւ քարտուղարների պաշտոնների բաշխումը` Ազգային ժողովում խմբակցություն ունեցող կուսակցությունների եւ կուսակցությունների դաշինքի միջեւ:
ԿԸՀ մամուլ ծառայությունից հայտնում են, որ տեղամասային ընտրական հանձնաժողովների նախագահների եւ քարտուղարների պաշտոնները բաշխվել են հետեւյալ համամասնությամբ.
Հայաստանի Հանրապետական կուսակցություն ` 5-ական,
«Բարգավաճ Հայաստան» կուսակցություն` 4-ական,
Հայ ազգային կոնգրես կուսակցությունների դաշինք` 1 -ական,
Հայ Յեղափոխական Դաշնակցություն ՝ 1-ական,
«Օրինաց երկիր» կուսակցություն ՝ 1-ական,
«Ժառանգություն» կուսակցություն՝ 1-ական:
Տեղամասային ընտրական հանձնաժողովներում անդամներ նշանակելու հայտերը կենտրոնական ընտրական հանձնաժողով կարող են ներկայացվել ապրիլի 26-ից մինչեւ մայիսի 1-ը:
ՀՀ կենտրոնական ընտրական հանձնաժողովը նիստում քննարկել է նաեւ Երեւանի ավագանու անդամի թեկնածու Դանիել Իոաննիսյանի եւ քաղաքացի Վարդգես Գասպարիի դիմումները:
