նախընտրելի դարձնելՀայաստանի Վերահսկիչ պալատի նախագահ Իշխան Զաքարյանն ընդունել է Արաբական Միացյալ Էմիրությունների (ԱՄԷ) Վերահսկիչ պալատի նախագահ դոկտոր Հարիբ Ալ Ամիմին: ԱՄԷ բարձրագույն վերահսկիչ կառույցի պատվիրակությունը պաշտոնական այցով Երեւան է ժամանել մայիսի 7-9-ին` Հայաստանի ՎՊ նախագահի հրավերով:
Հայաստանի եւ ԱՄԷ բարձրագույն վերահսկիչ մարմինների ղեկավարները քննարկել են երկուստեք հետաքրքրություն ներկայացնող հարցեր, մասնավորապես, հետագա համագործակցությանը, համատեղ վերահսկողությանը, փորձի փոխանակմանը վերաբերող:
Հայաստանի եւ ԱՄԷ բարձրագույն վերահսկիչ կառույցների միջեւ կապերն ավելի են ամրապնդվել վերջին երկու տարիների ընթացքում: Երկխոսության եւ համագործակցության զարգացման պայմանավորվածությունը ձեռք էր բերվել 2011 թվականին ՀՀ վերահսկիչ պալատի նախագահ Իշխան Զաքարյանի Աբու Դաբի կատարած պաշտոնական այցի ընթացքում:
ԱՄԷ Վերահսկիչ պալատի նախագահ դոկտոր Հարիբ Ալ Ամիմին այցելել է Ծիծեռնակաբերդի հուշահամալիր` ծաղկեպսակ դրել Մեծ Եղեռնի զոհերի հիշատակը հավերժացնող հուշակոթողին:
