Միջազգային տիեզերակայանում արեւային մարտկոցներից մեկի սառեցնող հատվածից ամոնիակի արտահոսք է եղել:

ՄՏԿ-ում գտնվող տիեզերագնացները հայտնել են  Ռ6 բաժնից լողացող մանր սպիտակ փաթիլների մասին, հայտնում է  NASA-ն: Արտահոսքի վայրի հայտնաբերման համար  Թռիչքների կառավարման կենտրոնը գործարկել է արտաքին հեռուստատեսային խցիկները: 

Ամոնիակն օգտագործվում է կայանի էլեկտրամատակարարման համակարգերի սառեցման  համար: Կայանի արեւային մարտկոցների յուրաքանչյուր հատված  ունի իր անկախ սառեցման համակարգը: Ըստ NASA-ի մասնագետների տվյալների` սառեցման համակարգը կանջատվի  առաջիկա 48 ժամվա ընթացքում: Ցամաքային ծառայությունները եւ կայանի անձնակազմը որոշում են, թե ինչ միջոցներ են անհրաժեշտ ձեռնարկել վթարային հատվածի մեկուսացման համար, գրում է  lenta.ru-ն:

NASA-ոմ ընդգծել են, որ ամոնիակի հայտնաբերված արտահոսքը վտանգ չի ներկայացնում անձնակազմի անդամների առողջության  եւ կայանի բնականոն աշխատանքի համար: