նախընտրելի դարձնելՈստիկանության Վաղարշապատի բաժնի կողմից որպես անհայտ կորած որոնվում է Արմավիրի մարզի Առատաշեն գյուղի 48-ամյա բնակիչ Ռադիկ Մկրտչյանը:
Ոստիկանության լրատվության վարչությունից հայտնում են, թե նրա արտաքին տվյալներն են` հասակը 165 սմ, նիհարավուն կազմվածքով, սեւ կարճ մազերով, սեւ աչքերով, օվալաձեւ դեմքով, ուղիղ մեծ քթով, բարակ շրթունքներով:
Հագին եղել է` կապույտ ջինսե տաբատ, սեւ անդրավարտիք, սեւ վերնազգեստ, հնամաշ սեւ կոշիկներ:
Ռադիկ Մկրտչյանը տառապում է հիշողության կորստով, հոգեկան հիվանդությամբ, մտավոր հետամնացությամբ եւ կաղում է ձախ ոտքից:
Մկրտչյանի գտնվելու վայրի վերաբերյալ տեղեկություն ունեցողներին խնդրում ենք դիմել ոստիկանության Վաղարշապատի կամ մոտակա բաժին, կամ զանգահարել 010-59-06-43, 0231-5-29-14 հեռախոսահամարներով:
