ՆախընտրելիԿատարված ուսումնասիրությունը հաստատել է, որ մարդն ամեն օր միջինը ժպտում է ընդամենը յոթ անգամ: Ամենօրյա այդ ժպիտներից մեկը պարտադիր կեղծ է: Այդպիսին են նաեւ հարցման արդյունքները, որին մասնակցել է 2000 մարդ, հաղորդում է «Ռոսիյսկայա գազետան»:
Հաստատվել է նաեւ, որ ամենաուրախ մարդը ժպտում է օրական 11 անգամ, իսկ մռայլ մարդիկ օրական ժպտում են մեկ անգամից ոչ ավելի: Պատասխանողների կեսը (51%) խոստովանել են, որ իրենք կեղծ են ժպտում, եւ որ ամենից հաճախ կեղծ ժպիտներ են պարգեւում իրենց ղեկավարությանը: Միաժամանակ, մարդկանց դուր է գալիս, երբ իրենց տեսնելիս ժպտում են, թեեւ օրվա ժպիտների քանակն ընդհանուր առմամբ կրճատվել է:
