նախընտրելի դարձնել115-ամյա ճապոնուհի Միսաո Օկավան հունիսի 12-ին ճանաչվել է Երկրի ամենատարեց բնակիչ: Այս մասին հայտարարել է Գինեսի ռեկորդների գրքի ճապոնական բաժինը:
Միսաո Օկավան Երկրի ամենատարեց բնակիչ է դարձել այն բանից հետո, երբ այսօր կյանքից հեռացել է 117-ամյա Ձիրոեմոն Կիմուրան:
Ճապոնիայում վախճանվել է Երկրի ամենատարեց բնակիչը
АН-online-ը գրում է, որ Միսաո Օկավան ծնվել է 1898թ. մարտի 5-ին Օսակա քաղաքում, կիմանոյագործ վարպետի ընտանիքում: Նրա երեք երեխաներից երկուսն արդեն իրենց 90-ամյա հոբելյանն են նշել: Միսաոն նաեւ չորս թոռ ունի եւ վեց ծոռ:
Միսաո Օկավան Gerontology Research Group-ի վարկածով 2013 հունվարին եւ նույն թվականի փետրվարին՝ Գինեսի ռեկորդների գրքի կողմից, արդեն ճանաչվել էր Երկրի ամենատարեց բնակիչ:
Միսաո Օկավան բնակվում է Օսակայի ծերանոցում: Երբ նրան հայտնել են Երկրի ամենատարեց բնակիչ ճանաչվելու լուրը, բացականչել է. «Ահա թե ինչքան երկար կյանք եմ ապրել»:
