նախընտրելի դարձնելՄոսկվայում ձեռնարկատեր Դմիտրի Եֆիմովն մղձավանջային գիշեր է լուսացրել: Նրա տուն են ներխուժել երկու հայ եւ ադրբեջանցի, իսկ որպես հարձակման զենք օգտագործվել է միացված արդուկը:
Ոստիկաններին կանչել են Ռասպլետինա փողոցի 9-րդ շենքի բնակիչները՝ առավոտյան ժամը չորսին, հայտնելով, որ բնակարաններից մեկում վեճ է: Բնակարանում ոստիկանները հայտնաբերել են դանակով զինված չորս կովկասցիների: Ոստիկաններին տեսնելով՝ հանցագործներից մեկն անմիջապես դուրս է ցատկել չորրորդ հարկի պատուհանից եւ փախել: Ոստիկաններին հաջողվել է ձերբակալել մյուս երեքին, գրում է «Կոմսոմոլսկայա պրավդան»:
Պարզվել է, որ չորս հանցագործներն անաղմուկ բացել են վարձով բնակարանի դուռը, որտեղ այժմ ապրում են «Ավրորա» ԲԲԸ-ի 35-ամյա գլխավոր տնօրեն Դմիտրի Եֆիմովը, իր 18-ամյա որդին եւ նրա Սախա-Յակուտիայի Հանրապետությունից եկած 40-ամյա ընկերը: Հանցագործները կապել են նրանց, եւ դանակով ու միացված արդուկով սպառնալով, գումար են պահանջել: Երբ ճշտել են բանկային քարտի ծածկագիրը, նրանցից մեկը գնացել եւ բանկոմատով հաշվից հանել է 300 հազար ռուբլի:
Դմիտրի Եֆիմովին հիվանդանոց են տեղափոխել՝ ձախ ոտքի վնասվածքով, իսկ նրա 40-ամյա ընկերը հիվանդանոցում է հայտնվել աջ ձեռքի եւ ձախ ոտքի այրվածքներով, դեմքի, գլխի եւ կրծքավանդակի վերքերով:
Ոստիկանությունում են հայտնվել Ադրբեջանի եւ Վրաստանի երեք բնակիչներ՝ 26-ամյա Աղվան Մարտիրոսյանը, իր հասակակից Էմին Հուսեյնովը եւ 28-ամյա Գեւորգ Տոնոյանը: Նրանց երրորդ ընկերը հետախուզվում է:
