Կամչատկայի ռուսական կալանավայրերից մեկում 25-ամյա մի բանտարկյալ բակում իր կրծքավանդակն է  խրել եռակցման էլեկտրոդը: 
Մարզի ՌՔԿ-ի պետի ավագ օգնական Ելենա Մատաֆոնովան կատարվածն անվանել է «էլեկտրոդիոդով»  ինքնավնասում, գրում է  polit.ru-ն:

Տղան իրեն վնասել էր իր ծննդյան օրը, քանի որ այն բանտակիցների հետ նշելու համար փող չի ունեցել: «Սկզբում նա գանգատվել էր  բանտի  աշխատակիցների մոտ, իսկ երբ վերջիններս ցավով ասել են, որ ոչնչով օգնել չեն կարող, ինքնավնասել է իրեն»` «իր ծննդյան տոնի վրա ղեկավարության ուշադրությունը գրավելու համար», պարզաբանել է Մատաֆոնովան:

Բանտարկյալը տեղափոխվել է քաղաքի բժշկական հաստատություն, որտեղ ստացել է անհրաժեշտ  օգնությունը: