նախընտրելի դարձնել25-ամյա հաճախորդը ծեծել է «Ակապելլա» կարաոկե ակումբի մենեջերին: Կենտրոն Նորք-Մարաշ համայնքների ընդհանուր իրավասության դատարանից NEWS.am-ը տեղեկացավ, որ սույն գործը քննվելու է իրենց մոտ:
Գործի նյութերի համաձայն՝ 25-ամյա Հարություն Ղ.-ին մեղադրանք է առաջադրվել այն բանի համար, որ նա Չարենցի փող. 1 հասցեում գտնվող «Ակապելա» կարաոկե-ակումբում, ինքնությունը չպարզված անձի հետ մոտ 20 րոպե տեւողությամբ դիտավորությամբ կոպիտ կերպով խախտել է հասարակական կարգը եւ բացահայտ անհարգալից վերաբերմունք դրսեւորել հաճախորդների եւ ակումբի աշխատակիցների նկատմամբ:
Նրանք վիճաբանել են ակումբի մենեջեր Աննա Հ.-ի հետ, բարձրաձայն տվել սեռական բնույթի հայհոյանքներ, քաշքշել եւ ձեռքով ու ոտքերով հարվածներ են հասցրել Աննա Հ-ին՝ պատճառելով մարմնական վնասվածք:
Խափանման միջոց ընտրվել է կալանավորումը: Գործը դատարան է ստացվել հունիսի 14-ին: Առաջիկայում կնշանակվի դատական քննության օրը:
