նախընտրելի դարձնել31-ամյա պայմանագրային զինծառայող Արման Ա.-ն իր դստեր 7-ամյա ընկերուհու նկատմամբ սեքսուալ բնույթի բռնի գործողություն է կատարել: Եղվարդի ընդհանուր իրավասության դատարանից NEWS.am-ը տեղեկացավ, որ սույն գործը քննվել է իրենց մոտ:
Գործի նյութերի համաձայն՝ 31-ամյա Արման Ա.-ին մեղադրանք է առաջադրվել այն բանի համար, որ նա հանդիսանալով ՀՀ ՊՆ N զորամասի պայմանագրային զինծառայող, կոչումով շարքային, գտնվելով ալկոհոլային թեթեւ աստիճանի խմածության վիճակում, Եղվարդի իրենց տան ննջասենյակում, իր սեռական կրքերին խաթարված ձեւով հագուրդ տալու եղանակով, սեքսուալ բնույթի բռնի գործողություն է կատարել իր դստեր 7-ամյա ընկերուհու նկատմամբ:
Արման Ա.-ն դատարանում իր մեղքը չի ընդունել, սակայն անչափահաս տուժողը դատարանում ցուցմունք է տվել, որ դեպքի օրը, գնացել է իրենց հարեւան Արմանենց տուն՝ նրա դստեր հետ խաղալու, իսկ իրենց մայրերն իրենց տանը սուրճ են խմել մինչեւ, որ հարեւանի ամուսնու կնոջը կանչել են քեռու ճնշումը չափելու:
Երբ գտնվել է Արման Ա.-ի տանը եւ խաղալիս է եղել նրա դստեր հետ, տուն է եկել նաեւ «Արման ձյաձյան»: Որոշ ժամանակ անց ընկերուհին տնից հեռացել է եւ ինքն ու Արմանը մնացել են տանը մենակ:
Մնալով երկուսով Արմանը մոտեցել է աղջնակին եւ բռնելով ձեռքից նստեցրել է սենյակում գտնվող մահճակալի վրա: Արմանն արձակել է տաբատի կոճակները եւ վարտիքն ամբողջովին իջեցրած, հանված մոտեցել է իրեն: Որոշ ժամանակ վերջինս թույլ չի տվել, որ ինքը դուրս գա տնից: Տուժողը նշել է, որ երբ նստած է եղել մահճակալին, «Արման ձյաձյան» դիպել է իրեն, սակայն ամաչելով պատասխանել հարցին, հայտնել է, որ դիպել է իր ձեռքերին, սակայն ոչ ձեռքով: Միաժամանակ, անչափահաս տուժողը հայտնել է, որ չի ուզում տեսնել Արման Ա.ին` չբացատրելով դրա պատճառը:
Քննելով գործը դատարանը վճռել է Արման Ա.-ին մեղավոր ճանաչել ՀՀ Քրեական օրենսգրքի 139-րդ հոդվածի 3-րդ մասով նախատեսված հանցագործության կատարման մեջ եւ նրա նկատմամբ պատիժ նշանակել ազատազրկում` 10 տարի ժամկետով:
