Գիտնականների միջազգային խումբը, որը ղեկավարում է բրիտանացի պրոֆեսոր Քրիս Փրաուդը, առաջարկել է քաղցկեղի դեմ պայքարել «քաղցի մեթոդով»: Նրանց հաջողվել է առանձնացնել այն առանցքային սպիտակուցը, որի դեֆիցիտը քաղցկեղային բջիջներին զրկում է սնունդից:  Այդ սպիտակուցի արգելափակումը թույլ է տալիս օնկոլոգիական հիվանդությունների կետային թերապիա ապահովել` վնաս չհասցնելով ողջ օրգանիզմին:

Խոսքը «eEF2K» սպիտակուցի մասին է, որն ակտիվանում է մեկ այլ սպիտակուցի` AMPK-ի միջոցով, որը վերահսկում  է բջիջի էներգետիկ բալանսը, գրում  է «Medporal.ru»-ն:

Գիտնականները պարզել են, որ այդ մետաբոլիկ ճանապարհը`  AMPK-eEF2K,  չորորակ ուռուցքների էներգամատակարարման համար ծայրահեղ նշանակություն ունի, իսկ առողջ բջիջները բավարարվում են միայն  AMPK-ով: Քաղցկեղային բջիջները  դեֆիցիտի ժամանակ ակտիվացնում են AMPK-eEF2K ուղին ու ստանում էներգիա:

Գիտափորձերը ցույց են տվել, որ «eEF2K» արգելափակումը քաղացկեղային բջիջներին զրկում է սնունդ ստանալու հնարավորությունից: