նախընտրելի դարձնել
ԵԱՀԿ Երեւանյան գրասենյակն աջակցում է Հայաստնի իշխանություններին պայմանական-վաղաժամկետ ազատ արձակման համակարգի բարեփոխման հարցում: Այս մասին հայտարարել է ԵԱՀԿ երեւանյան գրասենյակի ղեկավար, դեսպան Անդրեյ Սորոկինը NEWS.am-ին տված հարցազրույցում:
«Մեր գրասենյակը հասարակական կազմակերպությունների եւ ցմահ ազատազրկման հարցերով քաղաքացիական նախաձեռնության հետ բազմիցս քննարկումներ է կազմակերպել` ցմահ ազատազրկման հետ կապված, այդ թվում` տարբեր երկրների իրավական եւ քրեական փորձի լույսի ներքո: Ինչպես արդեն նշեցի, մենք համագործակցում ենք Հայաստանի իշխանությունների հետ պայմանական- վաղաժամկետ ազատ արձակման համակարգի բարեխումների հետ կապված` ընդգծելով այդ ինստիտուտի կիրառման կարեւորությունը ցմահ ազատազրկված անձանց նկատմամբ»,-նշեց նա:
Նրա խոսքով` ԵԱՀԿ-ն այս համատեքստում նույնպես կարեւոր է համարում ցմահ ազատարկման կամ երկար ժամկետով դատապարտվածների նախապատրաստումը ազատ արձակման եւ աստիճանաբար, ռիսկի գնահատման հիման վրա, պահպանման ռեժիմի խստացման նվազեցումը:
