Ձերբակալվել է Պետերբուրգի «Իշխանության թանգարանի» տնօրեն Տատյանա Տիտովան, սեպտեմբերի 3-ի առավոտյան Twitter-ում հայտնել է  թանգարանագետ Մարատ Գելմանը` վկայակոչելով թանգարանի սեփականատեր  Ալեքսանդր Դոնսկոյին:

Սեպտեմբերի 2-ին թանգարանի ղեկավարությունը դիմել էր Սանկտ Պետերբուրգի դատախազություն` բողոքելով պատգամավոր Վիտալի  Միլոնովի դեմ: Դոնսկոյը Միլոնովին մեղադրել է կամայականության եւ լիազորությունները չարաշահելու մեջ՝  ընդգծելով, որ օրենքը պատգամավորների համար թանգարաններն ստուգելու հնարավորություն չի նախատեսում:

«Իշխանության թանգարանը» կնքված է օգոստոսի 26-ից: Ոստիկանության աշխատակիցները թանգարանից տարել էին նկարիչ Կոնստանտին Ալտունինի մի քանի նկարներ` նրանցում ծայրահեղականության տարրերի առկայությունն ստուգելու համար: Առգրավված նկարների շարքում են  «Ռադուժնի Միլոնով» նկարը, Վալենտինա Մատվիենկոյի  «Սոսուլի» դիմանկարը, Պատրիարք Կիրիլի եւ Վլադիմիր Պուտինի ու Դմիտրի Մեդվեդեւի ներքնազգեստով նկարները:

Սանկտ Պետերբուրգի «Իշխանության թանգարանը» զրկվել է Պուտինի եւ Մեդվեդեւի ներքնազգեստով նկարներից

 Նկարներն առգրավվել էին, երբ ոստիկանություն էր դիմել Միլոնովը: Պատգամավորն այցելել էր ցուցահանդես օգոստոսի 26-ի ցերեկը եւ որոշ նկարներ իրեն  «ակնհայտ վիրավորական» էին թվացել, հայտնում է «lenta.ru»-ն:

Նկարների հեղինակ Կոնստանտին Ալտունինը օգոստոսի  27-ին Ռուսաստանից Կոպենհագեն էր մեկնել: Ավելի ուշ նկաիչը հայտնել էր, որ  քաղաքական ապաստան է խնդրել Ֆրանսիայում:

Պուտինի եւ Մեդվեդեւի պատկերներով առգրավված նկարների հեղինակը հապճեպ Փարիզ է փախել