նախընտրելի դարձնել
Աֆրիկայում փիղը սաֆարիի ժամանակ տրորել է մի տղամարդու: Սան Դիեգոյի համալսարանի դեկան, ամերիկացի բժիշկ Թոմաս Մաքաֆին արձակուրդին մեկնել է Տանզանիայի ազգային պարկ Տարանգիր՝ նախքան բժշկական հիմնադրամի գործադիր տնօրենի պաշտոնակատար նշանակվելը, գրում է The Herald Sun-ը:
Դժբախտ դեպքի մանրամասները չեն հաղորդվում: Բժշկի մարմինը կմնա Տանզանիայում, քանի դեռ ընտանիքը նրա մահվան վկայականը չի ստացել:
Տարանգիրը Տանզանիայի մեծությամբ վեցերորդ ազգային պարկն է, որի տարածքում մոտ 550 տեսակի վայրի կենդանիներ կան:
Gazeta.ru-ն նշում է, որ փղերը սովորաբար առաջինը չեն հարձակվում, բայց արձագանքում են իրենց կամ իրենց ընտանիքին սպառնացող վտանգին: Աֆրիկայում եւ Ասիայում փղերի հարձակումից տարեկան շուրջ 500 մարդ է զոհվում:
