նախընտրելի դարձնել
Պաշտոնական տվյալների համաձայն ընթացող տարվա հունվար-հուլիս ամիսներին մանրածախ ապրանքաշրջանառության ֆիզիկական ընդլայնումն ավելացել է նախորդ տարվա նույն շրջանի համեմամատ 2.8 տոկոսով: Սակայն հաշվարկների ժամանակ գործակից է ընտրվել սպառողական գնի ինդեքսը(104.7 տոկոս), որը, ապրանքների գնից բացի ներառում է նաեւ ծառայություններն ու սակագները: Այսինքն հաշվարկները ճիշտ չեն:
Մինչդեռ, պարենային ապրանքների գները (ներառյալ ոգելից խմիչք եւ ծխախոտ), ոչ պարենային ապրանքների հետ միասին, այս ժամանակահատվածում ավելի են թանկացել՝ միջինը 5.2 տոկոսով: Մանրածախ ապրանքաշրջանառության ֆիզիկական ընդլայնումը այդ ինդեքսի ճշգրտմամբ նվազում է պաշտոնական ցուցանիշի համեմատ մեկ տոկոսային կետով՝ կազմելով 1.8 տոկոս:
Սակայն խնդիրը վիճակագիրների այդ ցավալի սխալը չէ, այլ այն փաստը, որ ապրանքների սպառման մակարդակը մեզ մոտ շատ ցածր է, չնայած հարուստ քաղաքացիների շերտ առկայությանը: Պատճառն այն է, որ աղքատություն չափազանց մեծ է, որը շոշափելի գնաճի պայմաններում շարունակում է վատթարանալ:
Նույնիսկ պաշտոնական տվյալներով անցյալ տարի, մանրածախ վաճառքը մեկ շնչի միջին հաշվարկովով մեկ ամսվա ընթացքում հանրապետության 10 մարզերից ոչ մեկում չեն հասնում նվազագույն սպառողական զամբյուղում ապրանքների արժեքըին(նախորդ տարվա IV եռամսյակում նվազագույնը 23 հազ. դրամ): Այդ թվերի ամենափոքր տարբերությունն կազմել է Կոտայքի մարզում (կլորացված - 10 հազար դրամ), իսկ ամենամեծը` Գեղարքունիքի մարզում (18 հազար դրամ): Ինչպես տեսնում ենք, պարենային զամբյուղի համեմատ ապրանքների արժեքի տարբերությունը շատ մեծ է՝ չխոսելով զամբյուղի մասին: Սա խոսում է աղքատության խորության համար:
Եթե մեկ շնչի հաշվով եկամտի մակարդակը պակաս է պարենային զամբյուղի արժեքից, ապա ընտանիքը համարվում է «շատ աղքատ»: Ստացվում է, որ բոլոր ոլորտներում է երկրի ժողովրդի մեծ մասը «շատ վատ»: Իրականում, իհարկե, պատկերը այլ է: Մենք ունենք բնակչության եկամտի սուր տարբերակում. կա շատ հարուստ եւ շատ աղքատ ընտանիքների խավ:
Հաշվի առնելով այդ ամենը՝ ապրանքաշրջանառության ցուցանիշը բնակչության մեկ շնչի հաշվով կարող է տատանվել մեծ սահմաններում՝ բնակչության անապահով հատվածում հասնելով չնչի մեծությունների: Ուստի ապրանքաշրջանառության վերոհիշյալ աճը աննշան է եւ արտացոլում է աղքատության իրական պատկերը:
