նախընտրելի դարձնել
ԱՄՆ-ի ԱԱԾ-ն Վիետնամում «սառը պատերազմի» տարիներին լրտեսել է ԱՄՆ-ում սեւամորթների իրավունքների համար պայքարի մարտիկ Մարտին Լյութեր Քինգին, գրում է Foreign Policy ամսագիրը:
ԱՄՆ-ի այն ժամանակվա նախագահ Լինդոն Ջոնսոնի նախաձեռնությամբ 1967թ. մեկնարկած «Մինարեթ» անվամբ գաղտնի ծրագիրը զբաղվել է նման գործունեությամբ, հայտնում է «Ինտերֆաքսը»: ԱՄՆ-ի իշխանությունն այդ տարիներին ցանկացել է պարզել` արդյոք Վիետնամում ռազմական գործողության քննադատությունը մի շարք հայտնի ամերիկացիների կողմից արտասահմանյան կառավարությունների հետ նրանց համագործակցության արդյունքն է, թե` ոչ:
ԱԱԾ-ն վճռել է մի շարք հայտնի ամերիկացիներին լրտեսելը շարունակել նաեւ նախագահ Ռիչարդ Նիքսոնի օրոք: Սակայն 1973թ., այսպես կոչված «Ուոթերգեյթի սկանդալի» թեժ պահին, այդ ծրագիրը փակել էին` այն ժամանակվա գլխավոր դատախազ Էլիոթ Ռիչարդսոնի հրահանգով:
1975թ. հանրությունը գիտեր միայն նման ծրագրի գոյության փաստի մասին:
ԿՀՎ-ի նախկին գործակալ Էդվարդ Սնոուդենի հետ կապված աղմուկը ստիպել բացահայտել այն անձնաց ցուցակը, որոնց լրտեսել են ամերիկյան իշխանությունները:
Պարզվում է, որ լրտեսել են ոչ միայն Մարթին Լյութեր Քինգին, այլեւ այն ժամանակվա նշանավոր այլ անձնանց` իրավապաշտպան Ուիթնի Յանգին, բռնցքամարտիկ Մուհամեդ Ալիին, The New York Times-ի լրագրող Թոմ Ուիքերին եւ The Washington Post-ի երգիծաբան Արթ Բուխվալդին:
