նախընտրելի դարձնել
Ամերիկյան NBC հեռուստաալիքում նոր ռեալիթի շոու կհայտնվի, որի հաղթողը որպես մրցանակ կստանա «ուղեգիր» դեպի տիեզերք՝ միլիարդատեր Ռիչարդ Բրենսոնի ընկերության ստեղծած տիեզերանավով:
«Տիեզերական մրզավազք» (Space Race) անվանումն ստացած հեռուստաշոուի պրոդյուսերը բրիտանացի Մարկ Բերնեթն է, հայտնում է ԻՏԱՌ-ՏԱՍՍ-ը:
Սա NBC-ի եւ Բրենսոնի՝ տիեզերքի ուղեգրով մրցանակ ունեցող հեռուստաշոու անցկացնելու առաջին փորձը չէ:
2000թ. նախատեսվում էր «Նշանակված կայանը՝ «Միր»» հեռուստաշոուն, որի եզրափակիչում մասնակիցները պետք է պատրաստություն անցնեին ռուսական Աստղային քաղաքում, իսկ հաղթողը պետք է ուղեւորվեր «Միր» տիեզերակայան:
Սակայն նախագիծը կյանքի չէր կոչվել:
Նոր շոուի բնույթն առայժմ չի հրապարակվում:
